ما تبكي

ما تبكي أيامك ندم أو يوم تشيل للدنيا هم إيه فايده الأسي والدموع هو الزول بعيش في الدنيا كم ما تبكي لو فاتك قريب أو يوم غدر بالريد حبيب الدنيا لسه ملانه طيب والبسمه للمجروح طبيب أنا شلت جرحك بالسنين مستني منك يوم أطيب ألقي الفرح بعد الألم ما تبكي أيامك ندم ما تبكي من ظلم القدر أصلو الظلم طبع البشر يلاك نطوف وسط الزهر لا دمعه لاهم لا كدر عيش السنين الباقيه ليك قبل السنين ما تروح هدر يا زاهي يا أجمل نغم أوعك تشيل للدنيا هم أوعك تقول زمنك مضي والدار من الخلان فضي ما تخاف من الزمن الأليم بكره السنين بتعوضا لو رحت تابعت الدموع يبقي الفرح عمرو إنقضي ويبقي الجمال في الناس عدم ماتبكي أيامك ندم