اسحاق الحلنقي

شال النوار ظلل بيتنا من بهجة وعدك وما جيتنا
وفضلنا وحاتك منتظرين شوف وين روحتنا وديتنا
******
ياريت من اول وريتنا إنك يمكن تتأخر يوم _
كان غايتو إطمنا شويه وبحرك ياليل ماطفنا نجوم _
بيقولوا الغــائب عذرو معاه في غيابك ياما نشيل اللوم _
******
عدت لحظات وكمان ساعات طالت وحياتك ومنتظرين _
لو وشوش صوت الريح في الباب يسبقنا الشوق قبل العينين_
ونعاين الشارع نلقاهو تايه في دموع المغلوبين
******
العيد الجاب الناس لينا ما جابك يعني نسيتنا خلاص
مع انك انت الخليتنا بنغنى الحب ذكرى وإخلاص
صبحت دمعتنا وسادتنا كده حاول اعرف لينا خلاص